For the love of the nation

حبا في الامة

طبعا اي حد هيقري الكلمتين دوول هيقول ايه الكلام اللي ملهوش معني ده
او يمكن تعجبه الكلمتين و يقول اه و الله حبا في الامة , لكن الجملة مش لازم تمر مرور الكرام , جملة زي دي مات بسببها ناس كتير مش من مصر بس كل واحد يتمني ( او كان يتمني ) انه يموت حبا لبلده
انا شخصيا لما جيت اختار عنوان ملقتش عنوان بالعربي يعبر عن الحب اللي مفروض يتقدم للبلد لان مهما حصل حب البلد مش هيوفيه كلام
بعض الناس هتقول : اعوذ بالله ايه كلام الاشعار اللي بيتقال ده
ده مش كلام اشعار و لا كلام ملهوش لزمة او عاطفة جياشه مبالغ فيها

لكن احنا فقدنا بالفعل احساس الوطن احنا اشخاص علي ارض غريبة

و انا اصر علي كلمة ارض غريبة مش ارض اجنبية , لان الشخص اللي علي ارض اجنبية هو علي ارض مش وطنه و في يوم من الايام هيرجع وطنه , او علي الاقل فيه وطن هيرجعله , او وطن يهتم الفرد مهتم و الوطن مهتم بالفرد

فقدنا الاحساس ده , فاكره ؟؟ , فاكر الاحساس ده ولا عمرك ما عشته في وطن انت جزء من كيان

حبا في الوطن بداية من افراد الحكومات و طبقة رجال الاعمال و الطبقة الوسطية و التحت وسطية يبذلوا كل الجهد المتاح لهم لاعلاء الوطن
حبا بالزطن مفيش حد في مصر دلوقتي بيعمل حاجة حبا في الوطن ولا حتي حبا لارضاء الله
مش معني انك بتصلي و بتصوم و بتزكي و بتمارس كل طقوسك الدينية يعني انتي بتعمل اللي عليك اتجاه ربنا
بالعكس حبك لبلدك يعتبر فرض عليك , يعتبر جزء من دينك و من اي ديانة اخري حتي الوثنية
عمرنا ما شوفنا دين بيحث علي خيانة الوطن بالعكس

علي العموم بقلنا كتييييييييييير مظهرش حد بيقدم حاجة عشان منفعه الوطن او المنفعه العامة للامة حد يقدم من غير ما يستني مقابل الكل بيعمل اللي عليه و اقل , طمعا في منصب او فلوس او لي اي غرض شخصي بعيد كل البعد عن الوطنية
THE NATION , THE COUNTRY , THE PATRIOTS .
كل دي كلمات بالنسبة لي فقدت معناها بالعربي اتمني ان حد يحسها تاني اتمني انا احسها تاني
اتمني الاقي حد يعمل حاجة عشان يشوف علي الاقل الرضا في عين الشعب و بالتالي في عين الوطن , الوطن اللي كنا بنقول عليه زمان الوطن الام

انا عمري ما هقول ان سبب فقدنا لوطنيتنا هي الحكومة او العيشه الصعبة اللي احنا فيها , ما ياما في حكومات كانت غير منصفة بالمرة لكن شعوبها مازلت تتحلي بوطنيتها

لكن احنا فرطنا من زمااااااااااااااااااااااااان في وطنيتنا , فلا تشكو ايها الشخص الخالي من الكيان من ظلم وقع عليك ايا كان لانك لست من افراد هذه البلد نحن اشخاص متعايشون في بلد بلا شعب

لما تحس انك مواطن بيعمل اللي عليه من حقوق و واجبات اسال عن حقك
اسال عن حقك يا بجح لما تعمل اللي عليك
حظكم ان انا قرفان اني اشتم حتي
يا رب انا عايز وطن يا رب اهديني لي وطن يا رب ابقي من شعب
THE EGYPTIAN NATION HOPE TO BE FOUND IT WAS EXIST ONCE