ابدأ كلامي بهذه الجمله ( تبا لك ايها الاعلام المصري , لو كان الاعلام المصري رجلا لقتلته جلدا من خسته )
بعد ما نفثت عن غضبي من الاعلام المصري نبتدي نتكلم عن سبب اسم المقال او النوت او الخاطره دي
المجمع العلمي اللي ولع .....
في امير من امراء الخليج عرض انه يبني المجمع العلمي ردا لجميل مصر عليه و علي الوطني العربي و الكلام اللي احنا عارفينه ده , تمام , المهم محدش رد عليه , و الرد لما جه متاخر كان رد مهين بالنسبة لي شخص يريد مساعدتك لله في لله , و قال ايه كنا زعلانين عشان امريكا مش هتدينا المعونة اللي بتجيش الا بالذل , العرض من الامير الخليجي ده اسمه تفضل يعني ممكن تترجمها ان معناها كرم منه انه يمد يد المساعدة لينا في حاجة زي دي .
نيجي بقي للواجب عمك و هو لا عمك ولا حاجه المشير طنطاوي قام بمبادرة لاعادة بناء المجمع العلمي الجزء الاثري منه حاجه في هذا السياق ..... تعلن قناة منافقه من قنوات التلفزيون المصري ان المشير طنطاوي بكرم اخلاقه هيتفضل علينا و يبني المجمع العلمي .... و هنا يحصل اللخبطة , واحدة واحدة بقي .
هو المشير طنطاوي منصبه ايه دلوقتي .... القائد الاعلي للمجلس العسكري الذي يدير البلاد في الفترة الحاليه تمام
و المجمع العلمي ده في مصر مش في كوالالمبور يعني ... يعني من اختصاصه بل من واجبه كجه تنفيذية في مصر ان يرمم هذا المجمع ولا يجب ان نشكره علي هذا لان ده واجبه واجبه واجبه واجبه اربع مرات عشان محدش ينسي ...
نضرب مثال بسيط
طالب المدرسة لما يذاكر يبقي ده واجب عليه لازم يذاكر عشان لو عايز ينجح
لما تلاقي واحد شاب قام لي راجل كبير في السن في المواصلات يبقي ده تفضل لان الشاب كان ممكن مش يقوم ( وده اللي بيحصل حاليا مفيش احترام ) و محدش كان هيلومه.
يبقي التفضل بيبقي بدافع الاحترام او الحب او اي شيء معنوي
الواجب هو شيء يجب تأدتيه و اذا لم تؤديه ستفشل ( واخد بالك يا اللي في بالي )
لكن اللي بيحصل دلوقتي ايه , عارف لما يكون عندك طالب خايب و لما يفتح الكتاب كده من نفسه تلاقي الكل بيهلله و برافو و كده هو ده بالظبط اللي حصل برافو ميشو ذكرت كويس .
ادعو كل شخص و انا اولهم ان نفرق بين الواجب و التفضل و يا رب كله يعمل اللي عليه من واجبات و ربنا يكرم الجميع و يكرم مصر .
و اللي يعمل بعد كده واجب من المفروض انه يعمله محدش يصقف له لان ده واجبه , لان هكذا تصنع الفراعين .
اول ما قريت الخبر ده رنت في وداني جملة ( راعي الشباب و الرياضه في مصر ) , فاكرين ده مين ؟ ايوه بالظبط هو اللي انت بتفكر فيه الله لا يفك كربه .
ولا انت ايه رايك ؟؟؟
No comments:
Post a Comment