احنا اللي وقفنا المترو

ندخل في الموضوع علي طول مش ناقصه قرف
و انا ماشي في شارع النزهة شفت منظر حلو اوي العربيات ماشيه معديه و مش مخلين المترو يعدي ( في بعض البلاد اسمو التورماي و بيقولوا الفلاحين هما اللي بسموه كده ملهوم الفلاحين) و فضل المترو اكتر من اربع دقايق واقف و عمال يزمر للناس


نستنتج من كده ايه بقي
خلاص مفيش مباديء, الناس المباديء عندها انعدمت فا ده سبب حاله فظيعه من الفساد و الزحمة و كل حاجة لان الناس فقدت مباديئها , الناس تقولك لا بلاش مبالغه , الحكومة هي السبب و كده هو كل حاجة نرميها علي الحكومة, هي كل مشكله الحكومة هي السبب ,ليه محدش في مصري عمره قال انا اسف انا الغلطان سواء حكومة او شعب , يعني كل حاجة الحكومة السبب المياه بتاعة النيل متلوثه عشان الحكومة السبب لكن الناس اللي بترمي زبليتها في النيل زي ما بنشوف من ده كتير دوول مش السبب
المزارعين اللي بيرموا بواقي المحاصيل و البهايم الميته في النيل مش هما دوول السبب , ويقلك : ده مفيد للنيل يا بيه .
حسبي الله و نعم الوكيل ما هو لو كل واحد عمل اللي عليه و اتقي ربنا في نفسه كان الحال اتصلح لكن محدش في مصر بيغلط كلنا ملايكة
يلا جت عليا و انا كمان مش غلطان انا سقطت في الكليه اصل الحكومة السبب مش بيراعوا ربنا و هما بيصححوا انا مش غلطان هما السبب
اتقوا الله يا بني ادمين
ده احنا حتي محصلناش البني ادمين
يعني البني ادم عمره ما بيرمي حاجة في الشارع عمروا ما هيوقف ترام عشان هو يعدي بعربيته
ده الكلب بيوقف لو شاف الترام معدي
يا رب نبقي كلاب حتي
هوووهووو