خراب عليكم و علي اللي خلفوكم

كنيس الخراب
ده اسم الكنيس اللي عاملوا اليهود قرب المسجد الاقصي

اصل اليهود عندهم نبؤة بتقول ان الكنيس ده لما يتعمل المسجد الاقصي هيقع
كنيس = قداس =صلاة

المهم قامت الدنيا و ماقعدتش عند العرب و الخزعبلات بدات و اليهود عايزين يهدوا المسجد الاقصي و مش عارف ايه ولازم نتحرك (ما كنتم اتحركتوا من الاول يا قلل ) و مش عارف ايه و المسجد ولازم نحرره ( فاكرين دلوقتي تحرروا المسجد ) , المشكلة مش في تحرير المسجد او عدم تحريره المشكلة في ان احنا مش عارفين الصح من الغلط

حاجة من الاتنين هتحصل

اول حاجة فيه احاديث غير موثوق في مصدرها بتقول ان المسجد لو اتهدم هتبقي دي من علامات يوم القيامة الكبري و ساعتها يبقي المسلمين هيحاربوا اليهود و هيقضوا عليهم علي بكره ابيهم و امهم كمان
تمام دي احاديث ضعيفه

يبقي لو المسجد وقع نزعل ليه ما دي هتبقي بدايه النهايه
ولا انتم خايفين و كل واحد خايف من النهايه و مش عامل لها
ده احنا كده العن من اليهود و مش عايزينهم يطلعوا من القدس
انا طبعا مش قصدي اننا نسيب القدس يتهدم لانه بيحمل عمق اسلامي رهيب لدي نفوسنا بس قصدي اصحوا كل ده خرافات و خزعبلات

ليه بقي خرافات و خزعبلات
فيه احاديث صحيحة بتقول ان عند ظهور المسيخ الدجال هناك اربع مساجد المسيخ لا يقدر علي دخولها
1- الحرم المكي
2- الحرم النبوي
3- المسجد الاقصي
4- جبل الطور

يبقي ده برهان قاطع من الرسول علي ان المسجد الاقصي هيبقي شاء اليهود او رفضوا
تاني حاجة فين الايمان
يا اخونا ما ربنا اللي بقدرته خلق كل شيء و خلي فيه صخره لي حد دلوقتي متعلقه في الهوا تحت مسجد قبه الصخرة قادر علي انه يرفع مسجد بدون اساس و يخليه عمره ما يقع
اتقوا الله و كل واحد يبدا يتجه لله لان لا مفر من الله الا اليه
بقاء المسجد او هدمه الامرين في مصلحتنا احنا بس و مش في مصلحة اليهود علي الاطلاق

المهم اننا نبدا بنفسنا لان
ان الله لا يغير ما بقوم حتي يغيروا ما بانفسهم وإذا أراد الله بقومٍ سوءً فلا مرد له ومالهم من دونه من والٍ

يبقي نتقي الله و نفتكر ان الدنيا مش متسابه كده فيه ربنا عالم بكل شيء المهم اننا ننتبه

و يا رب انتبه و كلنا ننتبه جميعا
امين